Մեր Մասին
Ձեզ ենք ներկայացնում  «Գլաձոր ունիվերսալ վարկային կազմակերպություն» փակ բաժնետիրական ընկերության ինտերնետային  կայքը, որտեղ Դուք կարող եք ծանոթանալ  ընկերության պատմությանը, մատուցվող ծառայություններին, ընկերության հաշվետվություններին և այլ ուշագրավ տեղեկություններին:
Կայքում զետեղված տեղեկատվության կապակցությամբ առաջացած հարցերն ու առաջարկությունները կարող եք ուղղել հետևյալ հասցեով` info@gladzoruco.am  կամ  զանգահարել  (010) 55-15-15 հեռախոսահամարով:
 
Տեղեկացնում ենք նաև, որ կայքում ամբողջական տեղեկատվությունը ներկայացված է հայերեն լեզվով և այլ լեզուներով հրապարակված տեղեկատվության միջև անհամապատասխանությունների հայտնաբերման դեպքում անհրաժեշտ է  ղեկավարվել  հայերեն  տարբերակով:
Մեր կայքում այլ անձանց ինտերնետային կայքերին հղումների դեպքում Ընկերությունը պատասխանատվույթուն չի կրում այդ կայքերի բովանդակության ստույգության, արժանահավատության և գովազդների համար և Ընկերությունը պատասխանատվություն չի կրում այդ կայքերում ներկայացված տեղեկատվության օգտագործման հնարավոր հետևանքների համար:
 
Տեղեկատու հեռախոս`    (010) 55-15-15
Ֆաքս`                         (010) 57-51-19
 
 
 «Գլաձոր ունիվերսալ վարկային կազմակերպություն» փակ բաժնետիրական   ընկերությունը (այսուհետ` Ընկերություն)  «Գլաձորբանկ» ՓԲԸ ընկերությունից ՀՀ ԿԲ-ի Խորհրդի 01.07.2003թ. թիվ 224Ա որոշմամբ վերագրանցվել է «Գլաձոր ունիվերսալ վարկային կազմակերպություն» ՓԲԸ-ի, որը հանդիսանում  է «Գլաձորբանկ» ՓԲԸ ընկերության իրավահաջորդը  (լիցենզիա  թիվ  5 ,  գրանցման վկայական` թիվ 5):
 
Ընկերության  հիմնադիրները  ՀՀ  ռեզիդենտ  ֆիզիկական  անձինք  են:
Ընկերության  կանոնադրական  կապիտալը   կազմում  է  500.000.000  ՀՀ  դրամ:
Ընկերության  գլխամասային   գրասենյակի   հասցեն  է`  Հայաստանի Հանրապետություն, քաղաք  Երևան, 0025,  Չարենցի  փողոց  թիվ 1 բ 42 Ընկերության աշխատանքային օրերն են` երկուշաբթի-ուրբաթ, աշխատանքային ժամերը` 09:30-18:00
Ընկերության  կառավարման  բարձրագույն  մարմինը  նրա  մասնակիցների  ընդհանուր  ժողովն  է: 
Ընկերության ընդհանուր գործունեությունը  կառավարվում  է  Ընկերության խորհրդի, իսկ ընթացիկ գործունեությունը գործադիր տնօրենի կողմից: 
Ընկերության  խորհուրդը    բաղկացած  է  3 անդամից, հետևյալ  կազմով`
- խորհրդի նախագահ   -  Ալբերտ Խաչատրյան  
Ա.Խաչատրյան (կենսագրական տվյալներ)
 - խորհրդի անդամ     -      «Գլաձոր ՈՒՎԿ» ՓԲԸ  գործադիր  տնօրեն
Ա. Դարբինյան (կենսագրական տվյալներ)
- խորհրդի անդամ     -    Կանոնադրական հիմնադրամում ուղղակի նշանակալից մասնակից Նիկոլայ Գաբրիելյան (կենսագրական տվյալներ)
«Գլաձոր ՈՒՎԿ» ՓԲԸ-ի կանոնադրական հիմնադրամում անուղղակի նշանակալից մասնակիցներ չկան:
Ընկերության  գործունեության  հիմնական  ուղղությունները  առևտրային  (ձեռնարկատիրական), հիփոթեքային  և  սպառողական (այդ թվում ավտովարկեր) վարկերի  տրամադրումն  է:
Ընկերությունը ծառայություններ է մատուցում և իրավաբանական և ֆիզիկական անձանց:
Ընկերության  գործունեության  աշխարհագրությունը  ընդգրկում  է  Երևան  քաղաքը, և նրա հարակից մարզերը:
Ընկերության կանոնադրությունը  
Ընկերության վարչակազմակերպական կառուցվածքը
 
Ընկերությունը 2011թ. նոյեմբերի 30 -ի դրությամբ  ունի 17 աշխատակից

2011թ  նոյեմբերի 30 -ի դրությամբ  ընկերության  ընդհանուր ակտիվները կազմել են 918957 հազ. դրամ, ընդհանուր պարտավորությունները` 232959հազ. դրամ, իսկ ընդհանուր կապիտալը` 685998 հազ. դրամ:

 
«Գլաձոր ունիվերսալ վարկային կազմակերպություն» փակ բաժնետիրականի   ընկերությունը  համաձայն «Վարկային կազմակերպությունների մասին» ՀՀ օրենքի, իր կանոնադրության և կանոնակարգերի իրավունք ունի  իրականացնելու ունիվերսալ վարկային կազմակերպություններին բնորոշ բոլոր  գործառնությունները: Ընկերությունը հրապարակային օֆերտաների միջոցով փոխառություններ չի ներգրավում: Ընկերությունը  իր գործունեության ընթացքում համագործակցում է բանկերի, վարկային կազմակերպությունների և այլ վճարահաշվարկային  հաստատությունների հետ, հաճախորդներին պատշաճ և որակյալ մակարդակով սպասարկելու նպատակով կնքում է պայմանագրեր:
 
Ընկերության առաքելությունն է` օգտագործելով բանկային համակարգի զարգացման նոր տեխնոլոգիաները, ստեղծելով վարկային կազմակերպություն - հաճախորդ հարաբերությունների յուրօրինակ բիզնես մշակույթ, մատուցել ժամանակակից, բարձրակարգ եւ որակյալ բանկային ծառայություններ:
 
Նպատակներն են

• փոքր և միջին ձեռներեցության ոլորտում ազատ և արդար առողջ մրցակցային դաշտի ձևավորում, Փոքր և միջին ձեռնարկատիրության զարգացում
• Պահանջարկ ունեցող ֆինանսական ծառայությունների մշակում և ներդնում
• նպաստել բնակչության սոցիալական վիճակի, կենսամակարդակի բարելավմանը, աղքատության կրճատմանը, սպառողական, հիփոթեքային վարկեր և այլ ֆինանսական ծառայություններ տրամադրելու միջոցով
• օժանդակել այն տնտեսական ծրագրերի իրագործմանը, որոնց համար անհասանելի,կամ դժվար հասանելի են ֆինանսական այլ աղբյուրներ:
• Աշխատատեղերի ստեղծում
• Կայուն դիրք ֆինանսական շուկայում
• տնտեսական գործունեության իրականացման ճանապարհով առավելագույն շահույթի ստացումը

       
      Հետադարձ կապ ` info@gladzoruco.am